Приватност на пораките до MY:TIME (Facebook, Instagram, WhatsApp и Google)

Оваа страница ја дополнува нашата Политика на приватност (https://www.mytime.mk/mk/politika-na-privatnost) и објаснува што се случува со пораките, коментарите и рецензиите што ни ги пишувате на социјалните мрежи, како и со разговорите со нашиот автоматски асистент (чатбот) на Messenger и Instagram.

Контролор на личните податоци

Друштво за трговија и услуги ВОЧ ИД ДОО Скопје (MY:TIME), ул. Гоце Николовски бр. 74, Скопје. ЕМБС 6174485. Е-пошта: contact@mytime.mk.

Офицер за заштита на лични податоци: Драгана Крстевска, тел. 077/737-653, dragana@mytime.mk.

Кои податоци ги обработуваме

Кога ни пишувате порака на Facebook Messenger, Instagram или WhatsApp, кога коментирате на наша објава или оглас, или кога оставате рецензија на Google за наша продавница, ги обработуваме:

• текстот на пораката, коментарот или рецензијата и времето кога е напишана;
• Вашето име или корисничко име како што го прикажува мрежата;
• бројот на телефон, само кај WhatsApp;
• идентификаторот што ни го дава мрежата (Meta, Google), потребен за да Ви одговориме во истиот разговор;
• нашиот одговор и дали го напишал вработен (и кој) или автоматскиот асистент;
• производите што асистентот Ви ги покажал во разговорот;
• ако во разговорот кажете дека сте член на MY:TIME CLUB: е-поштата што ја наведувате, Вашиот статус во клубот (поени, членски цени, ваучери) и дали сте се потврдиле со код.

Не бараме податоци за платежни картички во пораки и не ги користиме пораките за огласување.

Автоматски асистент (чатбот) на Messenger и Instagram

Кога ни пишувате на Facebook Messenger или Instagram, прво може да Ви одговори нашиот автоматски асистент. Тоа е компјутерска програма, а не човек. Одговорите ги пишува јазичниот модел Gemini на Google, врз основа на нашиот каталог, цените и акциите, листата на продавници и нашите правила за купување, гаранција и сервис.

• Асистентот одговара на прашања за производи, цени, достапност, продавници и услуги и може да Ви прикаже производи од нашата веб-продавница.
• Асистентот може да згреши. За нарачки, рекламации и сè што Ви е важно, проверете кај нашите вработени на contact@mytime.mk или во продавница.
• Асистентот не носи одлуки со правно дејство за Вас: не прифаќа и не одбива нарачки, замени или рекламации.
• Ако ја наведете е-поштата со која сте член на MY:TIME CLUB, асистентот ја проверува во нашиот систем за лојалност и може да Ви испрати код преку SMS или Viber за да потврдите дека сте Вие. Дури потоа Ви ги покажува Вашите поени, членски цени и ваучери.
• За потврдените членови асистентот може да памети кратко резиме од претходните разговори (на пр. кои марки и производи Ве интересирале), за да Ви одговори подобро. Можете во секое време да побарате да го избришеме.

Нашите вработени ги гледаат разговорите со асистентот и можат да се вклучат во секое време.

Зошто

• за да одговориме на Вашите прашања, нарачки, барања за сервис, замена и поплаки, и надвор од работното време преку автоматскиот асистент;
• за да не остане порака без одговор и за да ја подобруваме услугата (на пр. колку брзо и колку точно одговараме).

Правен основ: нашиот легитимен интерес да одговориме на пораките што ни ги испративте и, кога пораката се однесува на нарачка, замена или рекламација, исполнување на договорна или законска обврска.

Кој ги гледа

Само вработените во нашата служба за поддршка на корисници и овластени лица од раководството, преку внатрешни апликации на MY:TIME со најава. Тоа важи и за разговорите со автоматскиот асистент. Пораките се чуваат на серверите на MY:TIME во Скопје.

Обработувачи

• Meta Platforms (Facebook, Instagram, WhatsApp) и Google, преку чии услуги пристигнуваат пораките и рецензиите;
• Google (Gemini) — во нашата апликација за поддршка предлага одговор и ја препознава темата на пораката, а предлогот секогаш го прегледува и испраќа вработен; во автоматскиот асистент на Messenger и Instagram сам го пишува одговорот;
• SALESmanago — системот на програмата за лојалност MY:TIME CLUB, во кој асистентот проверува членство;
• Infobip — испраќа SMS или Viber код за потврда на членството;
• Cloudflare — заштитена врска до нашите апликации;
• Synology — шифрирана резервна копија на нашите сервери, во центар за податоци во Франкфурт (Германија, ЕУ).

Податоците не ги продаваме и не ги споделуваме со други трети лица.

Колку долго

1 година по последната порака во разговорот. Ако разговорот е дел од нарачка, замена или рекламација, се чува онолку колку што е наведено за тие случаи во нашата Политика на приватност (точки 9.4.1, 9.4.8, 9.4.9). Рецензиите на Google и нашите одговори на нив остануваат јавни на Google додека Вие или ние не ги избришеме таму. Привремената меморија на асистентот, со која го следи тековниот разговор, се брише по 24 часа. Резимето за член на MY:TIME CLUB се брише кога ќе побарате или кога нема да имате разговор со асистентот 1 година.

Вашите права

Имате право на пристап, исправка, бришење, ограничување на обработката, приговор и преносливост. Како да побарате бришење е објаснето на https://www.mytime.mk/mk/brisenje-na-podatoci. Можете да побарате и копија од она што автоматскиот асистент го памети за Вас. Барањата ги решаваме најдоцна во рок од 30 дена.

Малолетни лица

Не собираме намерно податоци од лица под 18 години. Родител или старател може да побара бришење на legal@mytime.mk.